Zamudio Parti

2024. URRIA. ZEMENDIA

Imajinatu eizu makilatxo magiko bat daukazula. Zamudioko herrigunean, zer aldatuko zenduke?

Gelditu, Begiratu, Parte hartu, Gelditu, Begiratu, Parte hartu,

Zamudio Parti

Imajinatu dozu inoz bestelako Zamudio bat? Zamudio Parti-ri esker, amesetan egin eta aukera barriei buruz pentsatu ahal izango dozu. Horretarako ez dozu zertan hirigintzako aditua izan; nahiko da parte hartzeko gogoa izatea eta zeure ikuskerearen arabera geure herria aldatzen laguntzeko prest egotea, udalerri biziago eta hobe bat eskuratu daigun pertsonentzat. Hiru ekitaldi izango dira, ideiak ekintza bihurtzeko bertan.

Gelditu, Begiratu, Parte hartu, Gelditu, Begiratu, Parte hartu,

Jarduketa-aldeak

Zamudioko herrigunean garrantzizkoak diran hiru alde aldatuko doguz danon artean, udalerrian pertsonen arteko alkarreraginerako funtsezko aldeak dira eta. Danon ikuskerea kontuan izanda, barriro planteatuko doguz, narrazino bateratu eta zentzunezko bat sortuta.

1 aldea

Sabino Arana plaza eta plaza horren eta elizaren arteko loturea eta Mikel Zarate plaza eta plaza horren eta parajeen daukan inguruaren arteko loturea dira.

2 aldea

Leizaola Lehendakaria plazaren ingurua da, trenbidearen, Talleri kalearen, Aresti kalearen eta Pago kalearen artekoa.

3 aldea

Agirre Lehendakaria plaza eta plaza horren sarbideak aztertuko dira.

3 ekitaldi 3 ekitaldi

Udalaren helburuak

Zamudio Parti komunitate-ekimen bat da. Zamudioko pertsona guztiek bertako herrigunea hobetzeko prozesuan esku hartu daien diseinatu da. Inguruaz hausnartzeko, bertako beharrizanei erreparatzeko eta entzun egiteko, eta ideiak eta proposamenak partekatzeko gonbidapena da. Alkarrizketarako zabalik dagoan leku bat da; eretxi guztiak aintzat izango dira bertan, Zamudioko etorkizunari buruz danon arteko ikuskera bat eraikitzeko.

FAQS

Nork parte hartu ahal dau?

Zamudio Parti Zamudioko edozein herritarrek parte hartzeko modua izateko prestatu da. Zamudiokoa bazara, bazara aditua. Bakarrik etorri ahal zara, lagunakaz, senideakaz, seme-alabakaz edo aitita-amamakaz. Guztien eretxiak aintzat izango dira!

Emon daiket izena saio bakar baterako?

Saio bakar baterako zein gehiagotarako emon ahal dozu izena. Asko gustatuko litzakigu prozesu osoan egon zaitezan, baina kargu hartzen dogu ez dala erraza egunean-egunean danerako astia izatea. Hartu eizuz egunak, emon izena eta ahal dozunean parte hartu!

Izena emon barik be parte hartu ahal izango dot?

Izena emon barik be parte hartu ahal izango dozu, baina guretzat nahiko lagungarria izango da gutxi gorabehera zenbat pertsona izango diran aurretik jakitea, dana ahalik eta ondoen antolatzeko. Dana dala, azken momentuan parte hartzea erabagi ezkero, leku bat izango dozu. Ez izan dudarik, itxaroten zaitugu!

Azkenengo orduan bazatoz be, egingo jatzu lekua.

Ezin badot parte hartu, informazinoa hartu ahal izango dot?

Hartuemonetarako helbide elektroniko bat emon ahal deuskuzu zamudioparti@zamudio.eus idatziz, eta informatuta izango zaitugu.

Eta gero, zer?

Zuen ideia eta proposamen guztiak batu eta gero, Udalak aztertu eta landu egingo dauz, proiektu zehatz bihurtu daitezan. Geroago, danon artean eraikitakoan oinarrituta dagoan ekintza-plan bat aurkeztuko dogu, egitasmoagaz bat egiten jarraitu daizuen eta zuen ideien atzetik Zamudiorako hobekuntza errealak etorri direla ikusi daizuen

Zamudio Parti

Jarduketa-aldeak

1 aldea

2 aldea

3 aldea

1. Ekitaldia

2. Ekitaldia

3. Ekitaldia

Udalaren helburuak

1 HELBURUA

2 HELBURUA

3 HELBURUA

FAQS